水佬榮海鮮火鍋飯店 @ 河邊新街

行完一輪見大家都攰於是諗住搭早幾班船回港所以一於早少少食飯 又剛好在新馬路附近搵到一間開24小時的食肆, 不過因為佢在港的分店評語麻麻都有點遲疑, 但見咁近又無咩選擇所以姑且一試 樓高兩層門面有點舊但裡面都幾大和企理, 價錢合理, 總店即是總店雖然只食了幾味但出品又比想像中好 絕對令人改觀的體驗

 

雜菌花甲海鮮煲($328) - 本來想叫名物"花甲蟹煲"但見寫時價於是一問, 原來差不多要八舊幾水 咁見大家都飽飽地於是改叫呢個, 出來時原來都好豐富, 有蝦有隻細蟹, 花甲都幾大隻, 湯底鮮甜帶胡椒香, 非常抵食

冰鎮芥蘭($58) - 爽脆有菜味

 

紅燒石岐乳鴿($58) - 肉嫩有汁

飲了

總括今次澳門之行大致上都好滿意 亦感受到當地的高消費市場已和香港一樣, 而平常的飲食場所也慢慢地起革命 不過交通配套就真係麻麻, 尤其的士更加缺乏, 整體運輸系統對旅遊業真的有點做成障礙 當然其他地方亦已大興土木在酒店和住宅商廈上, 相信假以時日將會有更多著名商店和食肆進駐, 香港真係要努力啦