亞坤 @ 漆咸道南

收工後去了尖咀辦點緊要事, 好順利又好快攪掂後於是在附近搵下有咩食居然碰到前排的人龍店無咩人排所以便入去試下. 雖說唔駛排但都九成爆滿, 環境座位都幾舒適, 價錢合理, 出品以新加坡地道美食為主, 在當地1944年起家至今進軍香港當然有一定期望, 不過出來的效果真的有如遊走了天堂與地獄一回般.....不懂如何給總結了!!!

望住對面的自由行真的有點感覺.......

咖椰花生吐司($18) - 多士鬆脆, 醬夠清香, 沒有選名物牛油而選花生醬, 只因想尋找失落的兒時味道, 雖然欠了點但總算飲得杯樂

咖喱叻沙蝦麵($42) - 樣靚仔....但湯淡如水只得死辣, 配料普通但在門口的照片有螄蛤但實物原來無的.....商品條例可執法了>>>失敗之作!!!